Të paktën 68 persona u vranë në sulmet ajrore të Izraelit në Gaza
Të paktën 68 persona u vranë në sulmet ajrore që avionë izraelitë kryen ndaj dy pikave të ndryshme në qytetin e Gazës në veri të Rripit të Gazës, transmeton Anadolu.
Siç raporton agjencia zyrtare palestineze e lajmeve WAFA, 48 palestinezë humbën jetën dhe dhjetëra të tjerë u plagosën në sulmin e avionëve luftarakë izraelitë ndaj lagjes Al-Zaytoun në pjesën qendrore të qytetit të Gazës.
Ndërsa në një sulm tjetër të kryer në afërsi të Universitetit Al-Aqsa humbën jetën 20 persona dhe shumë të tjerë u plagosën.
Sipas të dhënave të fundit të Ministrisë palestineze të Shëndetësisë në Gaza, në sulmet izraelite deri më tani janë vrarë 21.822 palestinezë përfshirë të paktën 9 mijë fëmijë dhe 6.450 gra ndërsa janë plagosur 56.451 të tjerë.
