Atalanta mbyll vitin me fitore, Gjimshiti triumfon përballë Ramadanit

Atalanta iu fal golit të Ademola Lookman (58’) për të thyer 1-0 Leccen në një ndeshje shumë të luftuar në Bergamo.

Vendasit goditën shtyllën në pjesën e parë me Scamaccan, teksa përpara golit të sulmuesit nigerian Pasalic u ndal nga traversa.

Lecce iu afrua në disa raste golit të barazimit me Krstovic, Piccolin dhe Oudin, por nuk arriti të gjente golin e barazimit.

Me suksesin e sotëm, Atalanta parakalon Napolin dhe ngjitet përkohësisht në vendin e gjashtë me 29 pikë.