Mijëra njerëz në protesta në Melburn mbi Palestinën, korrupsionin dhe racizmin

Mijëra njerëz kanë dalë në protesta në Melburn për çështje nga kundërshtimi ndaj korrupsionit qeveritar, anti-racizmi, të drejtat e popujve autoktonë deri te mbështetje ndaj Palestinës dhe kundër luftës gjenocidale izraelite në Gaza, raporton Anadolu.

Protestat në Melburn u zhvilluan nën një prani të madhe policore.

Disa protestues anti-racizmit valëvitnin flamuj palestinezë dhe mbanin pankarta si “Paqe për Gazën”, duke shprehur solidaritet me palestinezët që vuajnë nën gjenocidin dhe bllokadën izraelite.

Mijëra njerëz gjithashtu marshuan në Sidnei si pjesë e tubimit “Australia bashkohet kundër korrupsionit qeveritar”.

Protesta të ngjashme u zhvilluan edhe në Kuinsland, Tasmania dhe Adelaide.

Protestat pasuan një sulm ndaj një kampi autoktonësh, Camp Sovereignty, në Melburn më 31 gusht, kur më shumë se 40 burra të veshur me të zeza sulmuan kampin pas marshimit anti-imigracionit “Marsh për Australinë”.