Shtëpia e Bardhë përpiqet të ‘fshehë lajmet e këqija’
Qëndrimi i paqartë i administratës Trump ndaj sulmit në Doha duket të tregojë se goditjet izraelite ishin një dështim që mund t’i vinte në siklet si udhëheqësit izraelitë, ashtu edhe ata amerikanë, thotë Rob Geist Pinfold për Al Jazeera.
“Nga njëra anë, kjo konferencë për shtyp kishte të bënte me fshehjen e lajmeve të këqija,” tha analisti, duke vënë në dukje se Sekretarja për Shtyp e Shtëpisë së Bardhë, Karoline Leavitt, nuk e përmendi sulmin deri sa iu kërkua.
“SHBA nuk dëshiron të flasë për këtë. Dhe kjo gjithashtu tregon se ky sulm nuk i arriti objektivat e veta,” shtoi ai.
“Mendoj se mund të nxjerrim përfundimin se, po të kishte vrarë ky sulm ‘terroristë të Hamasit’, atëherë SHBA do të merrte meritat për këtë dhe do të thoshte se ishte e përfshirë në të. Por fakti që kjo nuk duket të ketë ndodhur, dhe, siç kemi dëgjuar, ka të paktën një anëtar të forcave të sigurisë së Katarit të vrarë, sugjeron se ata po përpiqen të distancohen prej tij,” tha Pinfold.
