29 vjeçari nga Kosova arrestohet në Bllacë
Ministria e Punëve të Brendshme ka njoftuar se gjatë ditës së djeshme, një 29-vjeçar nga Kosova është arrestuar në kufirin e Bllacës gjatë hyrjes në Maqedoninë e Veriut, pasi siç bëhet e ditur, ndaj të njëjtit ishte lëshuar masa “arresto” me kërkesë të Interpolit.
“Më 28.11.2025, në ora 09:40, në kufirin e Bllacës, në hyrje të shtetit, punonjësit e policisë e kanë arrestuar D.M. (29) nga R. e Kosovës, sepse gjatë kontrollit kufitar është konstatuar se ndaj tij ishte lëshuar masa “arrest” nga Sektori për Bashkëpunim Ndërkombëtar Policor – Interpol. Ai u dorëzua tek punonjësit e policisë nga Sektori për Bashkëpunim Ndërkombëtar për veprime të mëtejshme”, thuhet në njoftimin e MPB-së së Maqedonisë së Veriut.
